حزن الفراق

يادار وانتي من جبرني على الضيق
........................................... خليتي اخواني بعيد(ن) لقاهم

عاجز طريح ولاأقدر امشي ولاويق
.............................. واسري مع الهاجس وفكري معاهم

ماعاد لي بين الخلايق مشافيق
............................ .... ولابه حد(ن) يانـاس يسوى غلااااهم

عايش وحيد وعفت كل المخاليق
................................. ولاكل مخلوق (ن) يعوض جفاهم

ولو شال همي جبال سلمى مع طويق
................................. يظهرلهم بركان هم(ن) غشاهم

ولوعاش شعب الارض وسط المعاليق
.............................. تعمى بصايرهم وتظلم سماهم

من هول شيء(ن) واضح(ن) دون تدقيق
.............................. حزن الفراق اللي بجوفي كساهم

ودمعي من الفرقا كما دمع عشيق
................................ لاشايف(ن) لقياء ولاهو نسااااهم

جداه يطرب باللحون وطواريق
............................. وعيناه من كثر البكااا ماترااااهم

جداي مثـله ضايق الحال ماطيق
............................. يالله حقق خاطر اللي بغااااهم

اخواني اللي مامشوا بالتلافيق
............................ اهل( البويضاا) عز منهو لفااااااهم

ياحلو جمعتنا على حزت الريق
............................ وياشيب عيني كل مافقد حدااهم

حسبي على ناس(ن) علينا زناديق
................................ ناس(ن) بلونا يدفع الله بلاهم

ويالله يابادي صباحك بتشريق
................................ ادعيك دعوات الرسل في دعاهم

يالله عسى الغيبه عليهم توافيق
.............................. وعسى الفرج يقهر عليهم عداهم